ahmed مشرف
عدد المساهمات : 80 تاريخ التسجيل : 29/11/2009 العمر : 32 الموقع : مصر
| موضوع: لحظة غروب والكل الخميس ديسمبر 03, 2009 8:32 pm | |
| لحظه غروب
لحظه غروب والكل راجع ... حامل مواجع ، وم القلب صوت في الكون ينادي يارب حاضر .. حاضر هحاول ... هنسى الهموم و المشاكل وارجع لحظه غروب وانده واقول يارب حاضر .. حاضر هحاول ما اكون في حالي ده المال ده مالي وللثرى مآلي وبين ايديك سؤالي يارب حاضر .. حاضر هقوم واسيب همومي ويا المآسي وابطل احكي واشكي لناسي ... ده الكل قاسي .. واللي في طيابته يقول معلش .. بيجرح اكتر
لحظه غروب والكل راجع ... حامل مواجع
رحماك الاهي ... ده الهم راسِي في قلب رَاسي خلاني ناسي انك رحيم خلاني تايه في ايد لئيم .. ويومها يجي يتبرى مني .. يصرخ يقول .. ماكنش خلي ولا كان لي تابع ... واصرخ واهاتي .. كداب ضلالي .. غوتني ليك نهار وليل بين ايديك .. تقولي اعصي مقولش لأه .. تقولي انسى .. اقول نسيت ، وانسى المعاصي .. ويوم ما آسي اعود لربي وبين ايديه اقول يارب رحماك وعطفك على عبد عاصي ... عارف خلاصي .. كتر المعاصي خلتني ناسي
لحظه غروب والكل راجع ... حامل مواجع
الظلم خانني خلاني قاسي ، اظلم في نفسي ما اقول يا قاسي ! الظلم فجأة خلاني راسي على بر واهي ملوش امان ... على بر نفسي ... تطلب تلاقي ... وكأني حر .. مفيش حساب ! اكمن عقلي صور لي جهل في صورة حصان ... يجري ويسبق .. جايز ما يلحق !ـ
لحظه غروب والكل راجع ... حامل مواجع
مجاش في بالي .. جايز تضيع كل الهموم ، جايز تموت كل المواجع .. جايز تغيب كل الغيوم .. جايز يعود الغروب بلا مواجع
يا شمس بكره اياكي تغيبي الا ومعاكي تغيب همومنا ، تعود عيوننا تضحك سعيدة من دنيا عَـفية أو بس حتى ...
..لحظه غروب مفيهاش مواجع..............
| |
|